Written by ElijahGregory
Prologue
Sumasabay sa hangin ang pagsasayaw ng mga damong luntian na may kataasan ngunit hindi naman nakakapaghiwalay ng laman, di tulad ng isang kugon. Dapit-hapon na noon at malapit nang lumubog ang namumulang araw sa kanluran. Sa mataas na parte ng bundok na iyon ay kita ang lawak at ganda ng Karagatang Pasipiko na wari baga’y walang hangganan.
Sa tuktok ng bundok na iyon ay nakaupo ang dalawang nakadamit na pamilyar mong makikita kapag may kasalan sa simbahan. Nakasuot pa ng puting pang-itaas ang lalaki at nakalilis na ang manggas niyon. Nasa gilid niya ang hinubad na amerikana at tinanggal na kurbata. Sa kanyang harapan ay akap niya ang isang babae na suot pa ang mahabang traje de boda na kitang-kita ang kalitagan sa gitna ng madamong tuktok ng bundok. Pareho silang nakaharap sa papalubog na araw at tahimik na ninanamnam ang bawat sandali ng oras na iyon.
“It’s beautiful.” Sambit ng babae na tinugon naman ng lalaki sa pamamagitan ng isang halik sa kaliwa niyang leeg.
“I told you. Maganda rito kahit mataas at malayo ang aakyatin.”
Hinaplos ng babae ang kaliwang pisngi ng lalaki. Sa kanyang daliri ay nakalagay ang isang singsing na nagsisilbing panghabambuhay nilang buklod bilang mag-asawa.
“Mahal kita.” Punong-puno ng compassion ang pananalitang iyon ng babae.
May kinuhang kung ano ang lalaki mula sa kanyang bulsa, “Mahal na mahal din kita.” Matapos nitong halikan ng banayad ang kaliwang leeg ng babae ay ipinakita niya sa kanya ang bagay na kinuha niya sa bulsa.
“Talagang baon mo pala yan mula pa kanina sa simbahan? You’re so naughty my love.” Biro ng babae sa kanyang kabiyak na may halong pang-aakit. Kita mo sa mata ng babe ang pagpungay nito at muling hinalikan siya ng lalaki at sa mga oras na iyon naman ay sa batok.
“Hmmm…” napapikit ang babae sa ginawa ng kanyang kabiyak.
Tumugon ang lalaki,“I love you yesterday. I love you today. I will love you tomorrow and I will love you for eternity.” Dahan-dahan niyang inilapat sa may gawing kilay ng babae ang isang kulay ubeng tela na ang kinis ay kahawig ng kanyang kurbata. Bahagya niya itong ibinaba upang matakpan ang dalawang mata ng babae. Ibinutno niya ang tela sa likuran ng ulo ng babae upang manatili itong nakapiring. Nang matapos iyon ay muling hinalikan niya ito sa batok.
Malamig man ang simoy ng hangin dahil malapit nang mag-agaw ang dilim at liwanag ay biglang uminit ang pakiramdam ng dalawa. Hinaplos ng lalaki ang braso at tiyan ng kapareha habang patuloy ang paghalik niya sa leeg nito.
“Own me.” Sambit ng babae.
Please do Comment and RATE the story to motivate the authors.
