Read Nursing The Heir - Chapter IV

Nursing The Heir – Chapter IV

Isang linggo lamang ang naging adjustment ni Alyssa sa bago niyang trabaho. Hindi naman mabigat ang kanyang mga gawain bilang nurse at regular naman na stable ang vital signs ng nahihimbing na binata. Minsan ay nakakatulog na rin ito sa pagbabantay sa binata sa magdamag, parang isang nobya na hinihintay magising ang nahihimbing niyang nobyo. Hindi na rin naman mag-aalangan ang sino-mang dalaga na maging nobyo si Ares. Bukod sa kilala bilang heartthrob at nag-iisang tagapagmana ng isang sikat na Five Star hotel chain ay talaga namang napaka-gwapo nito.

May lahing banyaga kaya dark blonde ang buhok nito. Maputi rin ang makinis nitong kutis na tinatambalan ng kulay asul na mga mata at mapupulang labi. Mahahalatang dati ay matipuno ang katawan ng binata na sa kasalukuyan ay pumayat ng dahil sa matagal na pagkakahimlay. Sa tangkad na 6’3″ at matipunong pangangatawan ay madalas na pinagkakaguluhan siya ng mga dalaga. Iyon ay noong mga panahong hindi pa niya sinasapit ang aksidenteng nagdala sa kanyang kalagayan ngayon.

Isang aksidente sa drag racing na kumitil sa buhay ng kanyang matalik na kaibigan ang kinasangkutan ng binata. Inisip ng marami na hindi na malalampasan ng binata ang nangyaring trahedya subalit kumapit ito para mabuhay. Hindi bumitaw ang katawan niya ngunit hindi rin nito nagawang magising mula sa pagkakahimlay. Labis ang hinagpis ng kanyang ina nang malaman na magiging parang lantang gulay ang kanyang nag-iisang anak, subalit tinatagan nito ang kanyang damdamin.

“Give me the best doctors, send me the best nurses and caregivers in this damn country! I know my son will get through this!”, ang wika pa ni Mrs. Smith habang tumutulo ang luha sa kanyang mga mata, noong mga panahong malaman niya ang naging aksidente.

Ilang buwan na nga ba ang lumipas mula noong aksidente? Ang dating masayahin, palabiro at minsan ay may konting yabang na binata ay may buhay pa na dumadaloy sa kanyang mga ugat ngunit ang kanyang presensya ay tila unti-unti na ring nawawala. Nakakalimutan na ng mga taong minsan ay nakasama niya… maliban sa kanyang ina, ang mayordoma at kay Alyssa na hindi lumaon ay natutunan nang mag-adjust sa mga gawain at pamumuhay niya sa mansyon at piling ng mga Smith.

Minsan habang inaayusan at nililinis ni Alyssa ang mukha ng binata ay may kung anong naramdaman ang dalaga. Napakgwapo ng binata at napakaaliwalas ng kanyang mukha. Hindi na nakapagtataka na napakaraming babae ang nahuhumaling sa binata.

Umandar ang pagiging pilya ng dalaga marahil na rin dahil sa pagka-inip at pagkabagot. Natawa siya sa kanyang naisip. Ano nga kaya ang kinahuhumalingan ng mga babae sa binatang nahihimlay sa kanyang harapan ngayon? Hindi na rin naman bago sa dalaga ang makakita ng pribadong parte ng mga lalake, subalit may kakaibang kaba sa kanyang dibdib sa pagkakataong ito.

Luminga-linga ang dalaga at dali-dali niyang ni-lock ang pinto ng kwarto ng binata. Nang masigurado niyang OK na ang lahat, gamit ang nanginginig na mga kamay ay unti-unti niyang inililis ang kumot na tumatakip sa ari ng binata.

Hindi niya inaasahan ang kanyang nakita.