Read Nursing The Heir - Chapter II

Nursing The Heir – Chapter II

Si Alyssa ay isang nurse. Nakatapos siya mula sa isang kilalang medical school sa Pilipinas at nag-top sa Nursing Licensure Exams. Sa kanyang murang edad na 23 ay maaaring sabihing marami na siyang pinagdaanang hirap sa buhay. Sa likod ng kanyang maganda at makinis na kayumangging kutis Filipina na kapares ng mapupungay na light-brown na mga mata ay hindi mo maikakailang para siyang isang modelo. Ang kanyang maliit na pangangatawan sa tangkad na 5’2″, timbang na 90 pounds at posturang pang-artista ay kinatatambalan naman ng mahaba at natural na dark brown na buhok ay magpapaalala sa sino-mang makakita ng dayuhang artistang si Vanessa Hudgens. Kilala siya sa kanilang unibersidad dati bilang isa sa mga campus crush subalit hindi niya ito binigyang pansin, bagkus ay nagsikap siya sa pag-aaral upang maiahon sa kahirapan ang kanyang pamilya. Alam niya sa kanyang sarili na hindi niya dapat palampasin o sayangin ang scholarship ng unibersidad na kayang pinapasukan sapagkat ito na ang huling pagkakataon na maaari siyang makapagtapos.

Hindi lumaon ay natapos siya sa kanyang pag-aaral bilang Cum Laude at kagaya ng inaasahan ng lahat ay naipasa niya ang eksaminasyon para sa mga narses bilang nagmamay-ari sa pinakamataas na rating. Napakaraming kumpanya, paaralan at ospital ang sinubukan siyang maanyaya sa kanilang poder para magtrabaho subalit ang nakakuha ng kanyang atensyon at pabor ay isang tawag mula sa tagapamahala ng pamilya Smith.

Ito rin ang dahilan kaya nakaupo siya ngayon sa harap ng isang may edad na subalit napakaganda pa ring babae na nagpakilala bilang Aphrodite Smith, sa tabi ng isang malaking kama kung saan nakahiga ang isang mestisong binata na walang ano mang mababakas na pagkilos kundi ang patuloy lamang na pagtaas-baba ng matipuno nitong dibdib kasabay ng paghinga nito.

Hindi maalis ni Alyssa ang tingin nito sa napaka-among mukha ng binata na sa pagkakataong iyon ay payapang-payapa sa paghimbing. Alam ni Alyssa na hindi lamang natutulog ang binata. Alam niya na ito ay nasa estado ng pagiging comatose. Alam niya kung bakit ganito ang inabot ng binata at mas lalong kilala niya ang binata… Si Ares Smith, ang kilalang hearthrob at playboy na nag-iisang anak at tagapagmana ni Richard Smith.