Read Ang Diary Ni Grace: Part 1

Ang Diary Ni Grace: Part 1

By robinhud

June 14, 2008

Dear Diary,

Hindi ko alam kung ano ang magiging reaksyon ko sa mga nangyari ngayong araw na to. Sabado ngayon, at ngayon sana ang birthday celebration ko kasi wala kaming klase. Ang inaasahan kong masayang araw kung saan darating ang ilang mga kaibigan ko dito sa apartment, hindi nangyari. Pero ayos lang din na sa labas kami kumain, at least nakapagvideoke kami sa arcade, kahit papano nakalimutan ko ang mga iniisip ko.

Maganda ang simula ng araw ko, nagising ako sa katok ni Mam Janet. Dinalan nya ako ng almusal katulad ng madalas nyang ginagawa pag araw ng Sabado.Sobra daw kasi yung naluto nyang ulam kagabi kaya ininit nya ngayong umaga. Dahil nga parehas kaming walang pasok, nagtagal pa sya ng kaunti dito sa bahay. Suot ang kanyang pantulog at dala ang iniinom na kape, nagkwentuhan pa kami tungkol sa buhay buhay.

Malapit na daw syang maregular sa university, at inaasahan nya na tataas ang sweldo nya ng halos walong libo kada buwan. Tuwang-tuwa nga si Mam kasi makakapagpadala sya ng mas malaking pera sa mga magulang nya sa Samar. Hanga ako sa kanya, madaming raket tulad ng tutorial, saka part time na ahente ng mga condo. Lahat ginagawa para matutustusan ang pangangailangan nya at ng kanyang pamilya. Kahapon nga nadinig ko syang may kausap sa telepono at sabi nya na magpapadala sya ng pera basta meron na sya. Siguro yun yung kapatid nyang college na nag-aaral sa Laguna.

Excited din syang kinwento na kapag malaki na ang sahod nya, bibili sya ng sarili nyang condo unit para daw hindi na sya nagrerent. Sa totoo lang naman kasi, mahirap din magrent, lalo kung mag-isa ka lang, katulad namin ni Mam Janet. Well, swerte naman ako kasi sagot ng parents ko ang renta ko habang nagrereview pa ako para sa board exam. Sabi pa ni Mam, kapag may trabaho na ako, aalukin nya ako ng condo para daw investment ko. Tinawanan ko lang, wala pa sa plano ko yon.

Kinwento din nya na nakabili sya ng second hand na computer monitor, na mas malaki kesa sa dati nyang ginagamit. Nakisuyo pa nga na ikabit ko daw sa CPU nya kaya pumunta ako sa unit nya.

Ngayon lang ako nakapasok sa unit nya kahit katabing-katabi lang ito ng unit ko. Pahaba din ang cut ng unit, at nasa pagpasok ng pinto ang maliit na sala. Tapos may maliit na mesa sa likod ng sofa na nakaharap sa TV. May lababo mga ilang hakbang mula sa sala na katapat ang pinto ng CR. Tapos pinto na ng kwarto ni Mam.

Pagpasok ng kwarto ay nasa kaliwa ang kama nya, nasa kanan naman computer table kung saan nakalagay ang monitor. Nakadikit ito sa dingding na naghahati sa unit namin. Halatang hindi masyadong naglilinis si Mam ng computer desk nya, dahil maalikabok ang mga kurdon. Sigurado din ako na kung naglilinis sya, makikita nya ang dalawang butas sa dingding na ginagamit ko para makita ang mga kalokohang ginagawa nya kasama ang kung sino-sinong lalake.

Umuwi ako kaagad matapos kong ikabit ang monitor ni Mam Janet. Gusto pa nga nyang magkwentuhan kami tungkol sa ex ko na si Tony, pero hindi ko na pinatulan. Ayoko din naman kasing makipagplastikan sa kanya tungkol sa topic na yon. Akala nya siguro, hindi ko alam na may nangyayari sa kanila ni Tony sa twing nagpapatutor sa kanya yung mokong kong ex. Pero di nya alam na nakikita ko sila sa mga butas ng dingding.

Hindi ko kasi talaga focus ang relationship ngayon, lalo na ilang buwan na lang, board exam na. Kaya OK lang din sa akin kung may nangyari sa kanila ni Tony, nakipagbreak na lang ako kesa komprontahin ko sila. Saka para sa akin, hindi naman talaga kasalanan ni Mam yung nangyari sa kanila ni Tony, tingin ko, its just sex for Mam Janet, tulad ng ilang mga lalaking naglalabas pasok sa bahay nya. Pero kasalanan ni Tony, may girlfriend sya tapos pumatol sya sa iba.

Alas kuwatro ang usapang dating ng mga barkada ko sa apartment, pot luck, tapos kanya-kanyang dala ng alak. Ala una pa lang naligo na ako, bibili sana ako ng pansit sa may kanto. Nagbibihis ako sa kwarto nang may marinig akong galabugan sa unit ni Mam Janet. Inisip ko, baka may lalake na namang kasama kaya sumilip ako sa butas.

Kaso badtrip, yung butas sa mas mataas na bahagi ng dingding, natakpan pala nung bagong monitor, kaya wala akong makita nung sumilip ako. Buti may isa pang butas, yung nasa baba na nasa may gilid ng CPU. Sumilip ako at nakita ko ang mga binti ng dalawang tao. Sigurado akong kay Mam Janet ang mga maliliit na binti na napapagitnaan ng binti ng isang taong nakapantalong maong. Kahit na binti lang ang nakikita ko, alam ko ang kanilang ginagawa. Malamang, nakatuwad si Mam at nakatukod sa computer desk habang binabatanan ng lalake sa likod nya. Pansin ko ang pag-alog ng desk, mukhang matindi ang laban. Wala ko sa mood magpainit kaya di ko na tinuloy ang panonood at nagbihis na para umalis.

Alas tres na halos ng makabilik ako sa bahay. Nakita ko si Mang Leo, yung may-ari ng apartment na kumakatok sa unit ni Mam Janet. Naniningil ulit, mukhang hindi na naman nakabayad si Mam on-time. Binati pa ako ni Mang Leo at tinanong kung nakita ko ba si Mam Janet dahil matagal na daw syang kumakatok at walang nagbubukas. Sabi ko sa kanya, hindi ko alam, baka umalis si Mam o baka tulog. Umalis naman agad si Mang Leo, at nagpasalamat pa sa akin dahil hindi na daw ako kailangang singilin, di daw katulad ni Mam. Nginitian ko na lang.

Derederecho ako sa kwarto matapos ilapag ang pansit sa mesa. Nahiga ako sa kama at nagpahinga ng kaunti. Naidlip yata ako ng ilang minuto at nagising sa ingay ng tumutunog na landline sa unit ni Mam Janet. Kahoy kasi ang pagitan ng mga unit ng apartment kaya dinig ang ingay ng kapitbahay. Mahaba ang pasensya ng tumatawag, mga tatlong minuto na ay patuloy pa din ang pagtunog ng telepono. Umalis siguro si Mam kaya walang sumasagot.

Mga ilang sandali pa ay nadinig ko ang ringtone ng kanyang cellphone. Hindi ako pwedeng magkamali, dahil madaming beses ko nang nadinig yon pag nagkkwentuhan kami. Matagal din nag-ring ang cellphone, siguro tulog si Mam, sa pagod sa ginawa nya kanina. Patuloy lang sa pagtunog ang cellphone kaya naisip kong sumilip sa butas para tingnan kung ano ang ginagawa ni Mam. Baka may nakapatong sa kanya kaya hindi sya makatayo. Kahit kasi mukhang mahinhin si Mam, alam ko naman ang natatagong kalandian sa kanya.

Inalis ko ang poster na tumatabing sa butas at idinikit ko ang aking mukha sa dingding. Itinapat ko ang mata ko sa butas at nakita ko ang hubad na katawan ni Mam Janet na nakadapa sa sahig. Nakaharap ang mukha nya sa direksyon ko, dilat ang kanyang mga mata, at may nakapulupot na extension cord sa kanyang leeg. Tumayo ang balahibo sa buong katawan ko at kusang bumilis ang aking paghinga. Hindi ko alam ang gagawin ko, hindi ako maaaring magkamali. Wala nang buhay ang katawan na nakita ko!

Hindi ko alam kung papano ko sasabihin, o kung kanino ko ipapaalam ang nakita ko. Ayokong may makaalam na may butas ang dingding. Tuliro ako at hindi alam ang gagawin. Kinuha ko ang yellow pages at hinanap ang telepono ng pinakamalapit na police station. Tumakbo ako palabas ng bahay at nagpunta sa pay phone na nasa kanto ng eskinita namin. Tumawag ako sa police station, hindi ako nagpakilala. Iniba ko ang boses ko at sinabing may patay sa unit ni Mam Janet.

Kinse minutos bago ang alas kuwatro ay dumating na ang mga pulis. Nakita kong inilabas sa unit ang bangkay ni Mam Janet na nakabalot ng puting kumot. Madaming tao sa apartment, kaya naisipan kong icancel na lang ang imbitasyon ko sa mga barkada ko at sa mall na lang kami magkita. Kinuha ko ang pansit at inabot ko kay Mang Leo na tulala sa mga nangyari.

Buti na lang, tapos na ang araw na to. Sana makatulog ako ng mahimbing.

Grace.