Read Pagsisisi Ng Isang Seloso Part 2

Written by hardfucker69

Isang long weekend ay niyaya ni Maynard ang buong empleyado niya na mag outing sa private beach resort nila sa Zambales at pinayagan niyang isama nila ang mga asawa at anak. Para naman sa mga binata at dalaga ay pinayagan niyang dalhin ang mga nobyo at nobya nila sa kondisyon na magkaiba ng kwarto ang mga lalake at babae. Solo flight si Ara sa byaheng ito matapos ang matinding away nila ni Marlon.

Umarkila ng limang coaster si Maynard papunta lng Zambales. Pwede naman magdala ng sariling sasakyan si Maynard pero mas pinili na niyang sumama sa mga empleyado niya upang makihalubilo sa kanila. Cowboy naman si Maynard. Hindi siya maselan sa mga bagay bagay. Magkasama sa isang coaster sila Ara at Maynard pero magkahiwalay sila ng upuan. Nasa harap si Ara habang nasa likod naman si Maynard kasama ang mga boys at mga nobya nila.

Pagdating nila sa resort ay pumunta na sila sa kanilang assigned rooms para mag ayos ng gamit at magpahinga. Matapos makapag ayos ng gamit ay nagpunta na sila sa beach upang maligo sa dagat at mag relax. Dito nasilayan ni Maynard sa unang pagkakataon ang ganda ng katawan ni Ara. Nag enjoy naman ng todo ang mga empleyado ni Maynard matapos ang ilang buwang puro trabaho. Bumaha din ng pagkain sa resort pati na inumin.

Nakihalubilo naman si Maynard sa mga empleyado niyang lalake habang nagnanakaw naman siya ng sulyap kay Ara na kasama ang mga empleyado niyang babae. Di naman naka iwas sa tukso si Maynard sa kanyang mga empleyado na sila Tomas at Miko pero tinatawanan lang niya ito.

Tomas: sir Maynard di naman pwedeng mata mo lang ang binubusog mo. Kailangan pati puso mo.

Miko: oo nga naman sir. Binata ka naman tapos dalaga siya.

Maynard: loko may boyfriend na siya.

Tomas: weh?? Di nga???

Miko: sir kung may boyfriend siya eh bakit di niya kasama?

Maynard: baka may trabaho.

Tomas: sipag naman nya sir. Eh holiday ngayon tapos long weekend pa.

Napaisip si Maynard sa hirit ni Tomas. May punto siya. Walang pasok si Marlon sa araw na yon dahil sa isang multi national firm siya nagtatrabaho. Wala pa ring tigil sila Tomas at Miko sa pag kanchaw kay Maynard na diskartehan si Ara.

Tomas: ano sir? Titingala ka na lang ba?

Miko: oo nga naman sir. There’s no harm in trying.

Napaisip si Maynard sa kanchaw ng dalawang kolokoy.

Pagdating ng gabi ay nagbonding ang mga empleyado niya kasama ang kanilang pamilya at kasintahan. Nagpunta sa beach si Ara upang magpahangin at makapag isip isip dahil na rin sa away nila ni Marlon. Sakto din naman na dumating si Maynard at nakita niyang solo flight ang dalaga.

Maynard: Ara?

Ara: Sir.

Maynard: Do you mind if I join you?

Ara: no sir.

Umupo na si Maynard sa tabi ni Ara.

Maynard: bakit di mo kasama boyfriend mo?

Ara: long story sir.

Kinutuban na ng hindi maganda si Maynard ng mga oras na yon. Tama nga si Tomas. Kung wala silang alitan ni Marlon eh bakit hindi niya ito kasama.

Ara: eh ikaw sir? Bakit hindi mo kasama girlfriend mo? Baka nasa tabi tabi lang siya sir ha tapos sabunutan ako dahil nakikipag usap ka sa akin.

Maynard: Exag ka naman Ara. Di naman siya ganyan kahit nung buhay pa siya.

Ara: oh my God! Sir I’m sorry. Hindi ko alam.

Namula ang mga pisngi ni Ara sa kahihiyan dulot ng hirit niya sa boss niya. Patuloy siya sa paghingi ng sorry at tinaggap naman ito ni Maynard.

Ara: Sorry sir. Hindi ko talaga alam.

Maynard: its ok Ara. 3 years ago pa yun. Nagka brain tumor siya at huli na nung nalaman namin at sinubukang agapan.

Ara: I’m really very sorry sir.

Maynard: it’s ok Ara.

Pinilit ni Maynard na ilihis ang usapan at niyaya niya ang dalaga sa bar para sa ilang boteng beer at pulutan. Nag order ng crispy pata, sizzling sisig at anim na boteng beer si Maynard. Habang kumakain at umiinom ay patuloy ang kanilang kwentuhan. Matapos maubos ang anim na boteng beer at pulutan ay humirit pa si Maynard ng anim na bote. Medyo nagkatama na si Ara sa mga oras na yon at naglabas na ng dama ng loob sa kanyang boss.

Ara: grabe sir. Hindi ko na alam gagawin ko. Lahat ginagawa ko naman para sa relasyon namin pero parang wala lang ito sa kanya.

Nagtaka si Maynard sa mga binitawang salita ni Ara.

Ara: ang hirap pala sir. Nagtatrabaho ako ng mabuti tapos pinag iisipan na pala ako ng masama ng boyfriend ko.

Maynard: Ara may tama ka na. Halika na. Ihahatid na kita sa kwarto mo.

Sa kanyang kalasingan ay pumalag si Ara sa alok ng kanyang boss na ihatid na sa kanyang kwarto.

Ara: ano ba sir! Kaya ko sarili ko! Kaya nga nag seselos boyfriend ko dahil masyado kang mabait sa akin! Lagi pa akong pinag iisipan ng masama tuwing kasama kita!

Maynard: Ara lasing ka na. Hatid ka kita sa kwarto mo.

Ara: ang kulit mo sir ah! Sinabi kong hindi ako lasing!

Muling naglabas ng sentimyento ang dalaga habang naiiyak na sa sama ng loob.

Ara: lahat na lang ng masama inisip na pala niya sa akin. Iniisip nya pala na may nangyayari sa atin kahit na wala naman. Ang dumi ng utak niya!

Maynard: Ara lasing ka na. Ihahatid na kita sa kwarto mo.

Pinunasan ni Maynard ang luha ng dalaga at nagpa ubaya na ito sa kanya upang pumunta sa kwarto niya.

Kinabukasan ay iniiwasan na ni Maynard si Ara. Sumasama siya sa mga ibang empleyado samantalang nag sosolo si Ara sa beach. Napansin ng dalaga na iniiwasan na siya nito. Pilit na inaalala ni Ara kung may nagawa ba siyang mali o may nasabi sa boss niyang hindi maganda. Biglang pumasok sa isip niya na naka anim na bote ng beer pala siya. Matapos ang anim na bote ng beer ay wala na siyang maalala. May kutob siya na may ginawa o sinabi siyang hindi kanais nais sa kanyang boss. Pinilit na lamang ni Ara na i-enjoy bakasyon nila hanggang linggo.

Pag dating ng lunes sa opisina ay civil naman si Maynard kay Ara yun nga lang nawala na ang pagiging kumportable nila sa isat isa. Tuwing may ipapagawa si Maynard kay Ara ay idinadaan niya ito sa ibang tao. Nanibago si Ara sa ganitong set up sa kanyang boss. Di rin alam ni Ara kung may nasabi siya kay Maynard nang mga araw na yun. Halos hindi mapalagay si Ara at lakas loob niyang pinuntahan ang kanyang boss upang alamnin kung may nagawa ba siyang mali. Maayos siyang kumatok sa opisina ni Maynard at pinapasok naman siya nito.

Ara: Good Afternoon po sir. Pwede po ba kitang makausap?

Maynard: sure. Have a seat.

Nang maupo na sila sa sofa ay tinanong siya ni Ara kung ano ang nangyari nung gabing iyon sa resort. Ayaw na sanang ungkatin ang pangyayari ngunit mapilit si Ara. Walang nagawa si Maynard kung hindi sabihin ang namgyari.

Maynard: nalasing ka sa anim na boteng beer.

Ara: OMG! Sorry sir. Sorry sa mga nasabi or nagawa ko ng mga oras na iyon.

Namula ng husto ang mga pisngi ni Ara sa kahihiyan. Hindi niya alam kung ano ang gagawin niya ng mga oras na iyon at pinagaan na lang ni Maynard ang loob niya.

Maynard: grabe ang lakas mo palang uminom.

Ara: seryoso sir?

Maynard: oo noh. Tinungga mo ba naman yung anim na boteng beer. Ang lakas mo din pala sa pulutan. Hahaha

Di na maipinta ang mukha ni Ara sa kahihiyan. Pero di pa rin matigil si Maynard sa mga hirit niya.

Maynard: grabe din hugot lines mo nung mga oras na yun. Limang libong kilometro pa yata ang lalim hahaha.

Ara: si sir naman. may pinagdadaanan lang.

Maynard: tulad ng maduming isip ng boyfriend mo at pagseselos nya sa akin??

Hindi maka imik si Ara sa mga hirit ni Maynard pero medyo nagbalik na ang kanilang pagiging kumportable sa isat isa.

Maynard: kaya nga ako umiiwas sa iyo eh. Dahil alam kong seloso ang boyfriend mo at idinadaan ko sa ibang kasama mong babae ang ipapagawa at ihahabilin ko sa iyo.

Lalong nahiya si Ara sa kanyang boss at siya pa ang nag adjust para sa kanya. Hindi alam ni Ara ang gagawin niya sa mga oras na yon pero sinabi ni Maynard na kalimutan na nila ang nangyari at susubukan nilang ibalik ang dati nilang sitwasyon.

Nung araw ding iyon ay gustong makipag ayos ni Marlon kay Ara ngunit tinanggihan na ito ng dalaga.

Ara: Marlon mas maging maganda siguro sitwasyon natin kung tatapusin na natin ang relasyong ito..

Marlon: huh???? Bakit?? Ara humihingi ako ng dispensa sa nagawa ko. Sorry Ara mahal na mahal kasi kita.

Ara: Marlon na appreciate ko yon pero nakain na ng selos ang pagkatao mo. Marlon mabuti kang tao. Tumutulong ka sa pamilya mo at pinapa aral mo naman ang kapatid mo. Huwag mo lang sanang hayaang tuluyan nang makain ng selos ang pagkatao mo.

Hindi maka imik si Marlon sa mga sinabi ni Ara at dito na siya nakahanap ng tyempo upang pormal nang tapusin ang kanilang relasyon.

Ara: Marlon mas makakabuti ito sa relasyon natin.

Tuluyang lumuha si Marlon sa desisyon ni Ara na makipag hiwalay sa kanya. Hindi rin ito madali para kay Ara pero tanging ito lamang ang makakabuti sa kanilang dalawa. Maraming luha ang tumulo sa mga mata ni Ara dahil mahal niya si Marlon pero kailangan nilang maghiwalay para sa ikakabuti ng isat isa.

itutuloy